இந்த 'வீக்கம்' எப்போது குறையும்?

விண்ணுக்குப் பாய்கிற விலைவாசியை நினைத்தால் தூக்கம் பிடிக்காது... ஆனால் அந்த விலை ஏன், எதற்கு, எப்படி உயர்ந்தது எனச் சொல்ல முற்பட்டால் கொட்டாவியுடன் சேர்த்து தூக்கம் கண்களைச் சுழற்றும். அத்தனைச் சிக்கல் கொண்ட வறட்டுச் சமாச்சாரம்தான், ஆனால் அலுத்துக் கொள்ளாமல் தொடருங்கள்.

எப்போதெல்லாம் நாட்டில் பணப் புழக்கம் அதிகரிக்கிறதோ அப்போது விலைகள் கட்டுக்கடங்காமல் போகும். அதிகரிக்கும் பணப் புழக்கத்துக்கேற்ப நாட்டில் பொருட்களின் உற்பத்தி மற்றும் சப்ளை (production and supply) இல்லாத நிலையில் பொருட்களின் விலை ஒன்றுக்குப் பத்து மடங்காகிறது. இதைத்தான் பணவீக்கம் என்கிறோம்.

பங்குகள் மீதான யூக வர்த்தகம், பெட்ரோல் உள்ளிட்ட அத்தியாவசியப் பொருட்களின் விலை உயர்வது, அதன் தொடர்ச்சியாக மற்ற பொருட்களின் விலை உயர்வது எல்லாமே இந்த சப்ளைக்கும்-தேவைக்கும் இடையே ஏற்படும் இடைவெளியைப் பெரிதாக்கி பணவீக்கத்தை வெடிக்குமளவுக்குக் கொண்டு போய்விடுகின்றன.

இந்தியாவில் ஏற்கெனவே 8 சதவிகிதம் இருந்த பணவீக்கத்தை, பெட்ரோலியப் பொருட்களின் விலை உயர்வு மட்டுமே மேலும் 3 சதவீதம் அதிகரி்க்கச் செய்துவிட்டது.

இதற்கு மார்ஷல்ஸ், கீன்ஸ், மார்க்ஸ் என பல்வேறு அறிஞர்களின் விளக்கங்களுக்குப் போனால் விடிந்துவிடும். அதனால் அடுத்த கட்டத்துக்குப் போய்விடுவோம்.

பணவீக்கத்தை அளவிடுவது எப்படி?:

ரொம்ப சிம்பிள்... தொடர்ந்து ஒரு மூன்றாண்டுகள் நாட்டில் பல்வேறு பொருட்கள் விற்கப்பட்ட விலையைக் கணக்கிலெடுத்துக் கொள்ளுங்கள். இதில் அதிக விலை மாறுதல் இல்லாத ஒரு ஆண்டை 'பேஸ் இயர்' அதாவது நிலை ஆண்டாகக் கொள்ள வேண்டும். மற்ற இரு ஆண்டுகளிலும் ஏற்பட்டுள்ள விலை மாறுதலுக்கும், நிலை ஆண்டு விலைக்கும் இடையில் உள்ள மாறுதல் விகிதம்தான் பண வீக்கத்தின் அளவாகப் பார்க்கப்படுகிறது.

இதனை நுகர்வோர் விலைக் குறியீட்டு முறை கணக்கீடு (கன்ஸ்யூமர் பிரைஸ் இண்டக்ஸ்-CPI) என்கிறார்கள்.

வீக்கத்தை எப்படிக் கட்டுப்படுத்துவது?:

விர்ரென்று ஏறிக் கொண்டேயிருக்கும் பணவீக்கத்தைக் கொஞ்சமாவது கட்டுக்குள் கொண்டு வர, மத்திய ரிசர்வ் வங்கிதான் முயற்சி மேற்கொள்ள வேண்டும். ஏனென்றால் அரசின் பணக் கொள்கைகளை வகுப்பதும் நேரம் பார்த்து திறம்பட செயல்படுத்துவம் ரிசர்வ் வங்கியின் கையில்தான் உள்ளது.

ஆனால் அந்த ரிசர்வ் வங்கியிலும் அரசியல் விளையாடிய ஆட்டம் இருக்கிறதே... வெளியே சொன்னால் கேவலம்.

சி.ரங்கராஜன் கவர்னராக இருந்த காலம் வரை ரிசர்வ் வங்கிக்கு தெளிவான பணவியல் கொள்கைகளை நமது அரசு வகுத்துக் கொடுக்கவே இல்லை அல்லது வகுத்துக் கொள்ள விடவும் இல்லை.

இதைப் பின்னாளில் அவரே ஒரு புத்தகத்திலும் குறிப்பிட்டுள்ளார்.

விஷயத்துக்கு வருவோம்...

பணவீக்கத்தைக் கட்டுப்படுத்த ரிசர்வ் வங்கியிடம் உள்ள முதல் ஆயுதம் வங்கிகளின் ரொக்க இருப்பு விகிதம் எனப்படும் சிஆர்ஆரை அதிகரிப்பது. இந்த ஆயுதத்தைத்தான் இப்போது கையிலெடுத்துள்ளது ரிசர்வ் வங்கி.

அது என்ன ரொக்க இருப்பு விகிதம்?:

ரிசர்வ் வங்கியின் கட்டுப்பாட்டில் இயங்கும் ஒவ்வொரு வணிக வங்கியும் குறிப்பிட்ட அளவு ரொக்கத்தை ரிசர்வ் வங்கியில் கட்டாயமாக இருப்பு வைத்துவிட்டுத் தான் தனது வர்த்தகத்தைக் கையாள வேண்டும். அதைத்தான் ரொக்க இருப்பு விகிதம் என்கிறார்கள்.

இந்த ரொக்க இருப்பு விகிதத்தை பொருளாதார நிலைமைகளுக்கேற்ப மாற்றிக் கொள்ளும் அதிகாரம் மத்திய ரிசர்வ் வங்கிக்கு அளிக்கப்பட்டுள்ளது. சொல்லப் போனால் பணவீக்கத்தைக் கட்டுப்படுத்த அரசு வசமுள்ள ஒரே சட்டப்பூர்வ ஆயுதம் இந்த ரொக்க இருப்பு விகித கட்டுப்பாடுதான்.

எவ்வளவு உயர்த்தலாம்?:

அதற்காக வங்கி ரொக்க இருப்பு விகிதத்தை ரிசர்வ் வங்கி ஒரேயடியாக உயர்த்திவிட முடியாது.

உதாரணம்: ஒரு வங்கி ரூ.20,000 கோடி வரை வர்த்தகத்தைக் கையாளுவதாகக் கொள்வோம். அதில் ரூ. 1,800 கோடி வரை ரிசர்வ் வங்கியில் ரொக்க இருப்பு வைத்திருக்க வேண்டும். ஒரு வேளை, திடீரென பணவீக்கம் அதிகரிக்கும் போது, ரிசர்வ் வங்கி இந்த ரொக்க இருப்பை ரூ. 2,300 கோடியாக அதிகரிப்பதாக வைத்துக் கொள்வோம்.

இப்போது வங்கி மூலம் வெளியில் செல்லும் பணத்தில் ரூ.500 கோடி வரை ரிசர்வ் வங்கியிடம் வந்துவிடுகிறது. சந்தையில் இருந்து ரூ. 500 கோடி 'உறிஞ்சப்படுகிறது'. ஒரு வங்கி மூலம் மட்டுமே இந்த அளவு பணம் கட்டுப்படுத்தப்படுகிறது என்றால், நாட்டில் உள்ள அனைத்து வங்கிகள் (கிளைகள் அல்ல) மூலமும் கட்டுப்படுத்தப்படும் பணத்தின் அளவு எவ்வளவு பாருங்கள்...

இப்போது எவ்வளவு உயர்த்தப்பட்டுள்ளது?:

மத்திய ரிசர்வ் வங்கி இம்முறை முன் தேதியிட்டு 8.75 சதவிகிதமாக சிஆர்ஆரை உயர்த்தியுள்ளது. அதாவது ஏப்ரல் 26 முதல் 5 கட்டங்களாக புதிய சிஆர்ஆர் அமலுக்கு வருவதாக அறிவித்துள்ளது ரிசர்வ் வங்கி.

ஏப்ரல் 26 முதல் மே 10 வரையிலான 15 நாட்களுக்கு 0.25 சதவிகிதம், மே 11 முதல் 25 ம் தேதி வரையுள்ள காலகட்டத்துக்கு 0.25 சதவிகிதம் என இரண்டரை மாதங்களுக்கு மொத்தம் 0.50சதவிகித அளவுக்கு ரொக்க இருப்பு விகிதம் உயர்த்தப்பட்டுள்ளது.

இதன்படி 8.25 சதவிகிதத்திலிருந்து 8.75 சதவிகிதமாக சிஆர்ஆர் உயர்கிறது.

பொதுவாக இம்மாதிரி நேரங்களில் மத்திய அரசு இன்னொரு நடவடிக்கையையும் மேற்கொள்ளலாம். அது பொருட்களின் உற்பத்தியையும், சப்ளையையும் அதிகரிப்பது மற்றும் அநாவசியச் செலவுகளைக் குறைப்பது.

உலகில் எந்த நாட்டாலும் உற்பத்தியை நினைத்தவுடன் எல்லாம் அதிகரித்துவிட முடியாது. இதனால் இரண்டாவது option-யை கையில் எடுத்தார் பிரதமர்.

செலவை குறையுங்கள், வெட்டியாய் வெளிநாடு போகாதீர்கள் என்று அமைச்சர்களுக்கும், காரையும் லைட்டையும் தேவையில்லாமல் பயன்படுத்தாதீர்கள் என டி.வி மூலம் கவலை தோய்ந்த முகத்துடன் நமக்கும் அறிவுரை சொன்னார் பிரதமர்.

ஆனால், இந்த அறிவுரையை யாரும் சீரியசாக எடுக்க மாட்டார்கள் என்று பிரதமருக்கு தெரியாதா என்ன.. இதனால் தான் அடுத்த சீரியஸ் option-ஆன பணப் புழக்கத்தின் அளவை கட்டுப்படுத்தும் அஸ்திரத்தை பயன்படுத்தியுள்ளார், ரிசர்வ் வங்கி மூலமாக.

இதன் மூலம் வங்கிகள் வசம் உள்ள பணத்தில் ஒரு பகுதியை ரிசர்வ் வங்கி முடக்கிவிட்டது.

இதனால் வங்கிகள் தங்கள் பங்குக்கு, வட்டி விகிதத்தை தாறுமாறாக உயர்த்தும். வீட்டுக் கடன்கள், நுகர்வோர் கடன்கள் போன்றவற்றுக்கான முன்னுரிமை குறைக்கப்படும் அல்லது நிறுத்தப்படும்.

அல்லது, உயர்ந்துவிட்ட வட்டியைப் பார்த்து நாமாகவே கடன் வாங்குவதைக் குறைத்துக் கொள்வோம். இன்றைக்கு மாதச் சம்பளக்காரர்களின் வீடுகளை அலங்கரிக்கும் பொருட்கள் எல்லாம் சம்பளப் பணத்தில் மட்டுமே வாங்கியவையென்று கூற முடியுமா... அவையெல்லாமே பல்வேறு நுகர்வுக் கடன்கள்தானே, பொருட்களாக மாறி இடத்தை அடைத்துள்ளன.

இந்த கடன் வசதி நின்று போனால் தானாகவே வாங்கும் சக்தியும் நின்றுபோகும் அல்லவா... அப்போது பொருட்களின் சப்ளையும் , வெளியில் புழங்கும் பணத்தின் அளவும் சமநிலைப்படும். விலையும் ஒரு கட்டுக்குள் வரும்.

இந்த நிலை தான் கட்டுப்படுத்தப்பட்ட பணவீக்கம்.

பணவீக்கத்தைக் கட்டுக்குள் கொண்டு வர ரொக்க இருப்பு விகிதத்தை அதிகரிப்பது ஒரு வகை முதலுதவி மாதிரி என்று வைத்துக் கொள்ளுங்களேன்... ஆனால் இதுவே நிரந்தரத் தீர்வல்ல.

ஆனால், உண்மையில் நிரந்தரத் தீர்வுகளும் நிறையவே உள்ளன. அதற்குத் தேவை 'பொலிட்டிகல் வில்' என்பார்களே அந்த சமாச்சாரம்.

இந்தியாவிலாவது பண வீக்கம் 11.05 சதவீதம். சீனாவில் இன்றைக்கு பணவீக்கத்தின் அளவு மிக மிக அதிகம், அதாவது 15 சதவிகிதம். ஆனல் அவர்களது பொருளாதாரம் முடங்கி விடவில்லை. கடந்த ஜனவரி மாதம் விண்ணுக்குப் போன விலைகள் இன்று மெல்ல தரையைத் தொடும் நிலைக்கு வந்து கொண்டிருக்கின்றன.

காரணம் அந்த நாடும் அரசும் காட்டும் 'பொலிடிக்கல் வில்'.. அது என்னப்பா வில்.. அம்பு என்கிறீர்களா...

உங்களுக்கு இப்போதே 'கண்ணை கட்டியிருக்கும்'..

(கட்டுரையாளர் -ஷங்கர்)

புத்தக சுமையால் முதுகு வலிக்குள்ளாகும் மழலைகள்!

நாட்டில் உள்ள பள்ளிக் குழந்தைகளில் 55 சதவிகிதம் பேர் முதுகுவலியால் அவதிப்படுவதாக அதிகாரப்பூர்வ கணக்கெடுப்பில் தெரியவந்துள்ளது.

இன்றைக்குப் படிப்பு என்ற விஷயம் மிகவும் காஸ்ட்லியானது மட்டுமல்ல, சுமை மிகுந்ததாகவும் மாறி வருகிறது.

குறிப்பாக மெட்ரிகுலேஷன் மற்றும் சிபிஎஸ்இ பள்ளிகளில் படிக்கும் மாணவ மாணவிகள் அதிக அளவு புத்தகச் சுமையைச் சுமக்க வேண்டியுள்ளது.

சென்னையைச் சேர்ந்த தன்னார்வத் தொண்டு நிறுவனமான வெல்எட், தமிழகத்தின் தேர்ந்தெடுக்கப்பட்ட 25 தனியார் பள்ளிக் கூடங்களைச் சேர்ந்த குழந்தைகளிடம் மேற்கொண்ட ஆய்வின்படி, ஒரு எல்கேஜி குழந்தை தன் சராசரி உடல் எடையான 16 கிலோவில் பாதிக்கு மேல் எடைகொண்ட புத்தகங்களைச் சுமக்கிறதாம். அதாவது 16 கிலோ எடை கொண்ட குழந்தை சுமக்கும் புத்தகச் சுமையின் அளவு 8 கிலோவுக்கும் அதிகமாம்!

அதேபோல 5-ம் வகுப்பு படிக்கும் 10 வயது சிறுவன் அல்லது சிறுமி சராசரியாக தங்களது லஞ்ச் பேக்கையும் சேர்த்து சுமார் 25 கிலோ எடை அளவுக்கு சுமைகளைச் சுமக்க வேண்டியுள்ளதாம்.

இதன் காரணமாக குழந்தைகள் இளம் வயதிலேயே உடலில் சமநிலையை இழந்து, படிப்பில் கோட்டை விடும் நிலை ஏற்படுவதாக இந்த ஆய்வில் தெரிவிக்கப்பட்டுள்ளது.

இதனால் இளம் மாணவ மாணவிகள் 5 வயதிலிருந்தே முதுகு வலிக்கு ஆளாவதாகவும் தெரிய வந்துள்ளது.

தனியார் பள்ளிகளில் பயிலும் 5 வயது முதல் 14 வயது வரையுள்ள குழந்தைகளில் 55 சதவிகிதம் பேர் முதுகுவலி, ஊட்டச்சத்துக் குறைபாடு போன்றவற்றால் அவதிக்குள்ளாகின்றனர். அதிகாலையிலேயே பள்ளிக்குச் செல்வது, மாலையில் விளையாடக் கூட நேரமின்றி ட்யூஷன் படிப்பது போன்ற காரணங்களால் சரிவர சாப்பிட முடியாமல் இத்தகைய நிலைக்கு குழந்தைகள் தள்ளப்படுகிறார்கள் என இந்த ஆய்வில் தெரிய வந்துள்ளது.

அரசு பள்ளிகளிலும்...

முன்பெல்லாம் அரசுப் பள்ளிகளில் இந்த நிலை அவ்வளவாக இல்லாமல் இருந்தது. காரணம் அந்தப் பள்ளிகளில் எல்.கே.ஜி. போன்ற ஆரம்ப நிலை வகுப்புகள் கிடையாது. ஆனால் இப்போது நகரம் சார்ந்த பல அரசுப் பள்ளிகள், தனியார் பள்ளிகளைப் போலவே கிண்டர் கார்டன் வகுப்புகளையும் நடத்தத் தொடங்கியிருப்பதால் அங்கும் 30 சதவிகித குழந்தைகள் இத்தகைய பாதிப்புகளுக்கு ஆளாவதாக இந்த ஆய்வில் தெரியவந்துள்ளது.

கான்பூரைச் சேர்ந்த மற்றொரு நிறுவனமான ஜாயின் கேர் கிளப் நடத்திய ஒரு ஆய்வில் அரசுப் பள்ளிகளில் 30 சதவிகிதம் குழந்தைகளும், தனியார் பள்ளிகளில் 63 சதவிகிதம் குழந்தைகளும் முதுகு வலி, மந்த நிலை, ஊட்டச்சத்துக் குறைபாடு போன்ற நோய்களால் பாதிக்கப்பட்டிருப்பதாகத் தெரியவந்துள்ளது.

இதுகுறித்து, பிரபல குழந்தை நல சிறப்பு மருத்துவர் டாக்டர் சந்திரசேகரன் கூறியதாவது:

நான் அரசுப் பள்ளியில் முதல் வகுப்பிலிருந்துதான் படித்தேன். எனக்கு படிப்பு எப்போதும் சுமையாய் தெரிந்ததில்லை. என் தாய் தந்தையர் காஞ்சிபுரம் அருகே சாதாரண விவசாய குடும்பம்தான். ஆனால் இன்றைய கல்விச் சூழல் எக்ஸ்ட்ரா கேர் எனும் பெயரில் குழந்தைகளைப் புத்தகப் பொதி சுமக்கும் மாடுகளாக்கிவிட்டது.

ஏதோ தமிழகத்தில் மட்டுமே உள்ள பிரச்சினை அல்ல இது. நாடு தழுவிய தேசியப் பிரச்சினை. முன்பு ஆர்.கே.நாராயணன் ராஜ்யசபாவில் பேசும் போது, குழந்தைகளுக்கு குறைவான புத்தகங்கள் மற்றும் எழுதும் உபகரணங்கள் கொடுப்பது குறித்து ஒரு தனிநபர் மசோதா கொண்டுவந்தார்.

அதனை அரசு கொள்கை அளவில் ஏற்றுக் கொண்டாலும் புற்றீசல்கள் போலப் பெருகி வரும் தனியார் மெட்ரிகுலேஷன் பள்ளிகள் தங்களுக்கென்று ஒரு சுய தர நிர்ணயத்தை வைத்துக் கொண்டு மாணவர்களைப் பொதி சுமக்க வைக்கின்றன. இந்த நிலை மாறத்தான் வேண்டும், என்கிறார்.

வருங்காலத் தூண்களின் முதுகொடிக்கும் இந்தக் கொடிய நிலைக்கு மத்திய மாநில அரசுகள் முற்றுப்புள்ளி வைக்குமா?

Courtesy : thatstamil

Kapil the Great!

இருபத்தி ஐந்து ஆண்டுகளுக்கு முன்... டர்ன்பிரிட்ஜ் வெல்ஸ் என்ற சிறு நகரத்தை யாரும் அவ்வளவாக அறிந்திருக்கவில்லை. இங்கிலாந்தின் கென்ட் நகருக்கு அருகே உள்ள அந்த கிராமமும் அல்லாத நகரமும் அல்லாத பகுதியை, லண்டன்வாசிகள் வார விடுமுறைகளைக் கழிக்கும் ஓய்விடமாகப் பயன்படுத்திவந்தனர்.

1983ம் ஆண்டு அந்த சின்ன நகரை கிரிக்கெட் சரித்திரத்தில் மறக்கமுடியாத ஒரு மாநகரமாக மாற்றினார் ஒரு மாவீரர்.

அவர்தான் கபில்தேவ் நிகாஞ்ச்.

புரூடென்ஷியல் உலகக் கோப்பையை இந்தியாவுக்குப் பெற்றுத் தந்த ஒரே இந்திய கேப்டன். 300 ஆண்டு கிரிக்கெட் வரலாற்றில் எந்த கிரிக்கெட் வீரரும் செய்யாத மாபெரும் சாதனைக்குச் சொந்தக்காரர் கபில்தேவ்.

1983, ஜூன்-18-ம் நாள் இந்திய அணியின் சரித்திரத்தில் பொன் எழுத்துக்களால் பொறிக்கப்பட வேண்டிய நாள். அணிப் பற்று, மன உறுதி, ஆர்வம், கடின முயற்சி என நல்ல வார்த்தைகள் அனைத்துக்கும் இலக்கணம் வகுத்த பொன்னாள் அது.

இந்திய - ஜிம்பாப்வே அணிகள் மோதும் அந்தப் போட்டியின் வெற்றிதான், அரை இறுதிப் போட்டிக்கான தகுதியை நிர்ணயிக்கும் என்ற நிலையில் இந்தியா முதலில் பேட்டிங்கைத் தேர்ந்தெடுத்துக் களமிறங்கியது.

கண்ணிமைக்கும் நேரத்தில் முதல் விக்கெட்டைப் பறிகொடுத்து இந்திய அணி. 9 ரன்கள் சேர்ப்பதற்குள் அடுத்தடுத்து 4 வீரர்கள் பெவிலியன் திரும்பினர். அப்போதுதான் பெவிலியனைத் திரும்பிப் பார்த்தபடி 6-வது பேட்ஸ்மேனாக மைதானத்துக்குள் நுழைகிறார் கபில். மேலும் 8 ரன்கள் சேர்வதற்குள் 5வது விக்கெட் விழ, அவ்வளவுதான் இந்திய அணியின் கதை முடிந்தது என்று சக வீரர்கள் சோகத்துடன் முகத்தை தொங்கப் போட்டுக் கொண்டு நின்றிருந்தனர்.

'ஹரியானா ஹரிக்கேன்' கபில் மட்டும் பயப்படவில்லை. அசரவில்லை. ஜிம்பாப்வே பந்துகளைப் பார்த்து திகைக்கவுமில்லை. தன் பாணியில் வெளுத்துக் கட்டினார். இத்தனைக்கும் அந்தப் பிட்சில் வேகப் பந்துகள் அநியாயத்துக்குப் பவுன்ஸ் ஆகி எப்போது வேண்டுமானாலும் ஸ்டம்புகளைப் பதம் பார்க்கும் ஆபத்து வேறு.

ஆனால் வெறும் 24 வயது நிரம்பிய கபிலின் தேர்ந்த ஆட்டம் ஜிம்பாப்வே பந்துகளைச் சிதைத்தது. வெறும் 80 பந்துகளில் சதமடித்தவர், மேலும் 58 பந்துகளில் 75 ரன்கள் குவித்தார். 138 பந்துகளில் கடைசிவரை அவுட்டாகமால் அவர் எடுத்த ரன்கள் 175. இதில் 24 பவுண்டரிகள், 6 சிக்ஸர்களை விளாசியிருந்தார் கபில். இன்றைக்கு ஆடுகிறார்களே 20 ஓவர் கிரிக்கெட், அதை அன்றைக்கே விளையாடி விட்டவர் கபில்.

பெவிலியனில் நின்று கொண்டிருந்த இதர இந்திய வீரர்களின் முகங்களில் ஈயாடவில்லை. நின்ற இடத்திலிருந்து கொஞ்சமும் அசையாமல் அப்படியே சிலை மாதிரி நின்று கொண்டிருந்தனர். கபிலுக்கு எதிர்முனையில் கடைசிவரை அவருக்கு கம்பெனி கொடுத்து ஆடி விக்கெட் விழாமல் பார்த்துக் கொண்டவர் விக்கெட் கீப்பர் சையத் கிர்மானி (24).

60 ஓவர்களில் 266 ரன்களைக் குவித்தது இந்திய அணி, கபில் தயவில். பின்னியும் (22) மதன்லாலும் (17) கபிலுக்கு பெரும் பலமாக நின்றனர் அந்த இன்னிங்ஸில்.

'கபில் எங்களிடம் சொன்னது ஒரே விஷயம்தான். நேராக வரும் பந்துகளைத் தடுத்து ஆடுங்கள். ஒரே ஒரு ரன் எடுத்து எனக்கு கார்ட் கொடுங்கள். மற்றவற்றை நான் பார்த்துக் கொள்கிறேன் என்றார். நானும், பின்னியும், மதனும் செய்தது அந்த ஒரு வேலையைத்தான். மற்ற எல்லாம் கபில் செய்த மாயாஜாலம்...' என்கிறார் மலரும் நினைவுகளில் மூழ்கிப் போய் கண்கலங்கும் கிர்மானி.

ஜிம்பாப்வே ஆட்டத்தைத் துவங்கியது. ஒரு முனையில் கபில், மறுமுனையில் மேஜிக் பந்து வீச்சாளர் ரோஜர் பின்னி... அடுத்தடுத்து நான்கு விக்கெட்டுகளை வீழ்த்தி விட்டனர். ஜிம்பாப்வே வீரர்கள் அடித்து ஆடத் தொடங்கியபோது, மதன் லாலையும், பல்வீந்தர் சிங் சாந்துவையும் மீடியம் பேஸ் போட வைத்தார் கபில். அடுத்த மூன்று விக்கெட்டுகள் காலி. ஸ்லோ மீடியம் பேஸர் அமர்நாத் ஒரு விக்கெட்டை வீழ்த்தினார். இடையில் இரண்டு ரன் அவுட்கள்.

'கபில்ஸ் டெவில்ஸ்' வெற்றிக் கனியை 31 ரன்கள் வித்தியாசத்தில் ருசித்தனர்.

அந்த ஒரே நாளில் இங்கிலாந்து மொத்தமும் பரபரத்துவிட்டது. உலகெங்கும் கபிலின் சாதனை பற்றித்தான் பேச்சு. துரதிருஷ்டவாசமாக, அன்றைக்கு பிபிசி ஊழியர்கள் ஸ்ட்ரைக்கில் ஈடுபட்டிருந்ததால் அந்தப் போட்டியை ஒளிபரப்ப முடியவில்லை. வெறும் ரேடியோ கமெண்டரி, பத்திரிகையாளர்கள் எடுத்த புகைப்படங்கள் மட்டும்தான்.

அடுத்து வந்த அரை இறுதியில் ஆஸ்திரேலியாவை (அப்பெல்லாம் கிரிக்கெட்டின் 'தாதா'வாக ஆஸ்திரேலியா வளர்ந்திருக்கவில்லை) புரட்டி எடுத்து 118 ரன்கள் வித்தியாசத்தில் வெற்றி பெற்றது கபில் அணி. அதில் ரோஜர் பின்னியும், மதன்லாலும் அதிஅற்புதமாக பந்து வீசி 7 விக்கெட்டுகளை வீழ்த்தினர்.

ரிச்சர்ட்ஸின் புகழாரம்

இறுதிப்போட்டியில் மேற்கிந்தியத் தீவுகளை இந்திய அணி வெற்றி கொண்ட கதையை யாரும் மறந்திருக்க முடியாது.

மேற்கிந்தியத் தீவுகளின் ஜாம்பவான் சர் விவியன் ரிச்சர்ட்ஸ் சொல்கிறார்: அந்தப் போட்டியில் மேற்கிந்தியத் தீவுகளின் வெற்றிப் பயணத்தைத் தடுத்தது கபில்தேவ்தான். அந்த ஒரு காட்சை (ரிச்சர்ட்ஸ் அடித்த பந்து) மட்டும் அவர் விட்டிருந்தால் 1983 கோப்பை எங்களுக்குத்தான். எங்கிருந்து ஓடிவந்தார், எப்படி அந்தக் கேட்சைப் பிடித்தார் என்று இப்போதும் எனக்குப் புரியவில்லை. ஒரு கேப்டனாக சக வீரர்களை அவர் வழி நடத்திச் செல்லும் விதம் எனக்கு ரொம்பப் பிடிக்கும்.

ரோஜர் பின்னி, மதன்லால், அமர்நாத், சாந்து என அன்றைக்கு அவருடனிருந்த எல்லா வீரர்களிடமும் நான் கபிலைத்தான் பார்த்தேன். கபில் என்ற ஹீரோவுக்கு பெரிதும் துணை நின்றவர்கள் இந்த நால்வரும்தான். சொல்லப்போனால் பந்து வீச்சாளர்கள் சேர்ந்து பறித்த வெற்றிக் கனி 1983-ம் ஆண்டு உலகக் கோப்பை... இப்போது சொல்கிறேன்.

இந்தியாவிடம் தோற்றுப் போனோமே என பல ஆண்டுகள் வரை நான் மனம் வருந்தியிருக்கிறேன். ஆனால் கபில் போன்ற ஒரு ஜீனியஸ் தலைமையில் விளையாடிய ஒரு திறமையான அணியிடம் தோற்றதில் எந்த வெட்கமும் இல்லை எங்களுக்கு. சர் என்ற உயரிய விருது கொடுத்து கௌரவிக்கப்பட வேண்டிய மாவீரர்தான் கபில்...'

கேவலப்படுத்தும் கிரிக்கெட் வாரியம்!

ஆனால் அந்த மாவீரரை கௌரவப்படுத்துவதற்குப் பதில் கேவலப்படுத்திக் கொண்டிருக்கிறது இந்திய கிரிக்கெட் வாரியம். கிரிக்கெட்டில் கபில் செய்த மாபெரும் சாதனைகளுக்காக பிரிட்டிஷ் அரசு கபிலுக்கு சர் பட்டம் வழங்க யோசித்துக் கொண்டிருக்கும் இத் தருணத்தில், அவரை இந்தியக் கிரிக்கெட்டிலிருந்தே ஒதுக்கி வைத்தும், மொகாலி மைதானத்திலிருந்த அவரது படங்களைக் கிழித்தும் தன்னைத் தாழ்த்திக் கொண்டிருக்கிறது கிரிக்கெட் வாரியம்.

இந்த 35 ஆண்டுகளில் இந்திய அணிக்கு உலகக் கோப்பையை வென்று பெருமை சேர்த்த ஒரே கேப்டன் கபில் மட்டுமே. காரணம் அவரது அணிப்பற்றும் அயராத உழைப்பும். அவரது சாதனைக்கு இன்று வெள்ளி விழா.

இனியும் காலம் தாழ்த்தாது ஒரு கண்ணியவான உரிய முறையில் கவுரப்படுத்த கிரிக்கெட் வாரியம் முன் வரவேண்டும். அதுதான் இந்திய கிரிக்கெட்டுக்கே கவுரவம்!

Salute Bravery..

Late Mr. Surjan Singh Bhandari

N.S.G. Commando

During The Attack on Akshardham temple on 24th September 2002 this Brave Man fought the greatest battle of his life. Yes he was the N.S.G. Commando Late Mr. Surjan Singh , who sacrificed his life for the Nation. Sadly On 19th May 2004 he lost the Toughest an d Longest battle against life exactly after 600 Days being in Coma, he lost this life.

The Bullet which hit him in the head made him Unconscious for almost 600 days. His family members were hoping that one day their Hero will open his eyes but he didn't.

It was the Longest Wait for the family members of this Brave Man. When the whole India was busy in Guessing Who will be the Next PM of the country - Will it be Sonia or will it be Manmohan Singh, This man was fighting his Last battle. But it's so sad that in the hype of all the Political Drama, the News about his Death was Lost like a needle in a hay stack! Even the leading News Papers & So Called Best News Channels of India which Works on 24 X 7 basis, failed to highlight this story of the Brave Man. Unfortunately it was mentioned somewhere on the middle page of some newspaper.....This was the Reward for the Brave task for which he lost his life.

Besides his Family members, only one thing was there with him during those toughest 600 days. It was there near his bed till the last Moment. Can you guess what it was?............... It was the "Tiranga", yes! Our National Flag, which was saluting him for his Great cause. Absolutely No words can suffice our Gratitude towards him...

If news papers refuse to cover, TV channels refuse to cover, let us do our bit.

Please forward this mail to as many people as you can.

This is the only way we can salute his Bravery..

கையேந்திகளாக்க போட்டியிடும் அவலம்!:

சில தினங் கள் மழை பொழிந்தால், நாட்டிற்குப் பேரிடரா, பேரிழப்பா, நன்மையே ஏதுமில்லையா என்ற கேள்வி எழுகிறது. தமிழகத்தில் மழை பெய்தால், அதை ஒரு பெரிய விபத்து போல சித்தரித்து, செய்திகள் வெளியிடப்படுகின்றன. பெய்யும் மழையையும், மக்களின் அறியாமையால் அரசியலாக்க முயற்சிக்கின்றனரே. உலகில் குறைந்த அளவு மழை பெய்யும் பகுதிகளில் தமிழகமும் ஒன்று. ஜீவநதியும் கிடையாது. குடிநீர் பற்றாக்குறைக் கே, கடல் நீரைக் குடிநீராக்க வேண்டிய கட்டாய நிலை.கடந்த இரண்டு மூன்று ஆண்டுகளாக, ஓரளவு தமிழகத்தில் மழை பெய்கிறது. ஆனாலும், சில மாவட்டங்களில், வழக் கத்திற்குக் குறைவாகவே மழை பெய்துள்ளது. இச்சூழலில், மழை பெய்வது பெரிய கேடு போலவும், மழையால் பெரிய இழப்புகள் மட்டுமே உண்டாவது போலவும், உருவகப்படுத்துவது நன்மை தருமா? இது அறியாமையின் சின்னமா அல்லது சுயநலத்தின் வெளிப்பாடா? சிறு இழப்புக்களைச் சந்தித்தாலும், மழையால் மக்கள் பெறுவது, பெரும் நன்மையே என்பது யாரு மே அறியாத ஒன்றா? தனிநபருக்கு உதவித் தொகை வழங்கக் கோருவதில் மட்டுமே அக்கறை செலுத்துவதைக் காட்டிலும், நீர் மேலாண்மை திட்டங்கள் சரியான முறையில் நிறைவேற்றினால், தனிநபருக்கும் நாட்டிற்கும் தொடர்ந்து இழப்பு ஏற்படாமல் தடுக்க இயலும். நாட்டின் வேளாண் மேலாண்மைக்கு வழி தேடலாம்.காவிரி பெருகி, நாட்டைச் சேதப்படுத்திய பின், கடலில் கலந்து வீணாகிய வெள்ளத் தைத் தடுத்து, கி.பி., முதலாம் நூற்றாண்டில் கல்லணை கட்டி நெடுவயல் நீர் பாய்ச்சி, "சோழவளநாடு சோறுடைத்து' என, இன்றளவும் பெருமை கொள்ளச் செய்தவன் மன்னன் கரிகால்வளவன். எனவே கட்டடக்கலை, நீர் மேலாண்மைக் கலைகளில் பன்னெடுங்காலமாகத், தலைசிறந்து விளங் கியது நமது தமிழினம். இன்று மழையைக் கண்டால் பேரிடராக கருதுவோராக மாறிவிட்டோமே. என்னே நம் அறியாமையின் வளர்ச்சி!"நீர் மேலாண்மை' பாடமாக மாணவர்களுக்கு தற் போது போதிக்கப்படுகிறது. மழை பொழிந்தால் விரைந்து செயலாற்ற வேண்டியவை வேளாண் துறை, வேளாண் பொறியியல் துறை, நீர்பாசனத் துறைகளே. ஆனால், அறியாமையில் சிக்கித்தவிக்கும் மக்களின் திசை மாறிய கூக்குரலால், இத்துறைகள் தேவையான தொலைநோக்கில் செயல்பட இயலவில்லை, போதுமான முக்கியத்துவமும் வழங்கப்படுவதில்லை. மாறாக, வருவாய்த் துறையை செலவுத் துறையாக செயல்படச் செய்து, மக்களைக் கையேந்திகளாக்குகின்ற முயற்சிகளிலேயே, அரசியல் கட்சிகளும் தங்களுக்குள் போட்டி போட்டுக் கொண்டு ஈடுபடுகின்றன."மழை' மக்களுக்கு இறைவன் வழங்கும், "கொடை!' அதைச் செவ்வனே பயன் படுத்திக் கொள்ள வேண்டியது நமது "கடமை!' ஆகவே, மழை பெய்யும் காலத்தில் தற்காலிக உதவித் தொகை வழங்க வலியுறுத்துவதிலேயே, அரசியல் கட்சிகளும், விவசாயிகளும் அதிக கவனம் செலுத்தாமல், அச்சிறு இழப்பை விவசாயிகளே சரிகட்டிக் கொண்டு, தொலைநோக்கு நீர் மேலாண் மைத் திட்டங்களை அரசு நிறைவேற்ற வேண்டும்.அதற்கு சட்டசபையில் கட்சி மாச்சரியமின்றி, வேளாண்மை உற்பத்தி, நீர் மேலாண்மை தொழில் நுட்பம் சார்ந்து விவாதித்து, தமிழகத்தை நீர்மேலாண்மையில் மீண்டும் தலைசிறந்ததாக்கத் தக்க முயற்சிகள் மேற் கொள்ளுதலே நாட்டுக்கும், விவசாயிகளுக்கும் நன்மை தரும். தங்களுக்குள் அரசியல் செய்து கொள்ளவும், மக்களை திசை திருப்பவுமே சட்டசபை உறுப்பினர்களை, மக்கள் தேர்ந்தெடுக்கவில்லை என்பதை உறுதி செய்ய வேண்டிய காலம் இது.

Courtesy : வெ.சிவசுப்பிரமணியன், ஆட்சி அலுவலர் (ஓய்வு), செரியன் நகர், சென்னை

குழந்தைகளை பள்ளிக்கு அனுப்புவோம்!

இன்று சர்வதேச குழந்தை தொழிலாளர் முறை எதிர்ப்பு தினம் கடைபிடிக்கப்படுகிறது.
14 வயதுக்கு உட்பட்ட குழந்தைகளை பணிக்கு அமர்த்துவது குற்றம் என சட்டம் கூறினாலும் பல இடங்களில் அவற்றை முறையான நடைமுறைப்படுத்துவதில்லை. உலக அளவில் 16 கோடிக்கும் அதிகமான குழந்தை தொழிலாளர்கள் உள்ளனர் என்கிறது சர்வதேச தொழிலாளர் அமைப்பு.இது பற்றி விழிப்புணர்வு ஏற்படுத்தும் வகையில் ஆண்டுதோறும் ஜூன் 12ம் தேதி குழந்தை தொழிலாளர் முறை எதிர்ப்பு தினம் கடைபிடிக்கப்படுகிறது. "கல்வியே குழந்தை தொழிலாளர் முறைக்கு தீர்வு' என்பது இந்த ஆண்டின் கோஷமாக முன்வைக்கப்பட்டுள்ளது. ஒரு குழந்தைக்கு முறையாக அடிப்படை கல்வி கிடைக்காவிட்டால் எதிர்கால வாழ்வும் கேள்விக்குறியாகிறது. குழந்தை தொழிலாளர்கள் உருவாக வறுமை தான் முக்கிய காரணம். குழந்தைகளை பள்ளிக்கு அனுப்ப வேண்டுமெனில் கட்டணம், பாடப்புத்தகங்கள் மற்றும் இதர செலவுகளை பல குடும்பங்களால் சமாளிக்க முடிவதில்லை. ஏழைக்குழந்தைகள் இலவசமாக படிக்கும் அரசுப்பள்ளிகள் வசதிகள் குறைவாகவும், பராமரிப்பு இன்றியும் உள்ளன. குறிப்பாக கிராமப்புறங்களில் பள்ளிக்கூடங்களின் நிலை மிக மோசமாகவே உள்ளது. 2015ம் ஆண்டுக்குள் உலகில் உள்ள அனைத்து குழந்தைகளுக்கும் அடிப்படை கல்வி கிடைக்க வேண்டும் ஐ.நா., இலக்கு நிர்ணயித்து உள்ளது. இதனால் குழந்தை தொழிலாளர் முறையை முற்றிலுமாகவே ஒழித்து விட முடியும் என நம்பப்படுகிறது. இதற்காக கீழ்க்கண்ட யோசனைகள் முன்வைக்கப்பட்டுள்ளன:

- இலவசமான கட்டாயக்கல்வி
- பெண் குழந்தைகளின் கல்விக்கான தடைகளை அகற்றுவது
- பள்ளிக்கு வரும் குழந்தைகளுக்கு பாதுகாப்பான, தரமான கற்கும் சூழ்நிலையை உருவாக்கித்தருவது
- முறையான தொடக்க கல்வியை இழந்த குழந்தைகளை கண்டறிந்து எழுத்தறிவிப்பது
- ஆசிரியர்களுக்கான பற்றாக்குறையை நீக்கி முறையாக பயிற்சி பெற்ற ஆசிரியர்களின் எண்ணிக்கை அதிகரிப்பது
- குழந்தை தொழிலாளர் முறை ஒழிப்பு சட்டங்களை சர்வதேச அளவில் எல்லா நாடுகளும் தீவிரமாக நடைமுறைப்படுத்துவது
- வறுமையை எதிர்கொள்ள வேலைவாய்ப்புகளை அதிகரிப்பது
- குழந்தை தொழிலாளர் பற்றிய விழிப்புணர்ச்சி ஏற்படுத்துதல்
கல்வி கற்கும் உரிமை அடிப்படை மனித உரிமையாக உள்ளது. பொருளாதார ரீதியிலும், சமூக ரீதியிலும் பின்தங்கியவர் தங்களை உயர்த்திக்கொள்ள ஒரே வழி கல்வியே. குறைந்தபட்சம் 14 வயது வரையாவது குழந்தைகளை பள்ளிக்கு அனுப்ப வேண்டும் என அறிவுறுத்தப்படுவதும் இதனால் தான். தனிநபர் மற்றும் குடும்பத்துக்கு மட்டுமல்லாமல் நாட்டுக்கு குழந்தை தொழிலாளர் முறையால் இழப்பு என்பதை பின்தங்கிய நாடுகளும் உணரத்தொடங்கியுள்ளன என்பது குறிப்பிடத்தக்கது.

Courtesy : Dinamalar

WAR

Management Course

TWO MINUTE MANAGEMENT COURSE

Lesson One :

An eagle was sitting on a tree resting, doing nothing. A small rabbit saw the eagle and asked him, "Can I also sit on my ass like you and do nothing?"
The eagle answered: "Sure, why not."
So, the rabbit sat on the ground below the eagle, and rested. All of a sudden, a fox appeared, jumped on the rabbit and ate it.

Management Lesson: To be sitting on your ass and doing nothing, you must be sitting very high up.


Lesson Two :

A turkey was chatting with a bull. "I would love to be able to get to the top of that tree," sighed the turkey, "but I haven't got the energy."
"Well, why don't you nibble on some of my manure droppings?" replied the bull. "They're packed with nutrients."
The turkey pecked at a lump of manure, found it actually gave him enough strength to reach the lowest branch of the tree. The next day, after eating some more dung, he reached the second branch. Finally after a fourth night, he was proudly perched at the top of the tree.
Soon he was promptly spotted by a farmer, who shot the turkey out of the tree.

Management Lesson: Bull Shit might get you to the top, but it won't keep you there.


Lesson Three :

A little bird was flying south for the winter. It was so cold the bird froze and fell to the ground in a large field. While it was lying there, a cow came by and dropped some dung on it. As the frozen bird lay there in the pile of cow dung, it began to realize how warm it was.
The dung was actually thawing him out. He lay there all warm and happy, and soon began to sing for joy.
A passing cat heard the bird singing and came to investigate. Following the sound, the cat discovered the bird under the pile of cow dung, and promptly dug him out and ate him.

Management Lessons:

(1) Not everyone who shits on you is your enemy.
(2) Not everyone who gets you out of shit is your friend.
(3) And when you're in deep shit, it's best to keep your mouth shut!


This ends your two-minute management course.

Free Heart Surgery

For any kind of heart surgery free of cost ..
Contact : Sri Sathya Sai Institute Higher Medical Sciences, E.P.I.P. Area, WhiteField, Bangalore
Write to us
Sri Sathya Sai Institute of Higher Medical Sciences
EPIP Area, Whitefield,
Bangalore 560 066,
Karnataka, INDIA.
Call us
Telephone: +91- 080- 28411500
Fax +91 - 080- 28411502
Employment related +91- 080- 28411500 Ext. 415
Email us
General Queries: adminblr@sssihms.org.in

Pass it to all, it will help some one

Need Help for this Girl

ஈரோடு: நன்கு படித்தும், மாநில அளவில் முதல் மதிப்பெண் பெற்றும், தொடர்ந்து படிக்க வறுமை தடையாக இருப்பதால் பெரும் கவலையில் ஆழ்ந்துள்ளார் ஈரோடு, வீரப்பன் சத்திரம் வனிதா.

ஈரோடு மாவட்டம், வீரப்பன் சத்திரம் ராஜாஜி தெருவை சேர்ந்தவர் மூர்த்தி. இவரது மகள் வனிதா (24).

பாதியில் முறிந்த படிப்பு:

நன்கு படிக்கக் கூடியவரான வனிதாவுக்கு வறுமை பெரும் தடைக் கோடாக மாறியது. வறுமையின் காரணமாக படிக்க வைக்க முடியாமல் இவரை, தர்மபுரி அருகே கோட்டப்பட்டி கிராமத்தை சேர்ந்த ஏழுமலை என்பவருக்கு இளம் வயதிலேயே திருமணம் செய்து கொடுத்து விட்டனர்.

ஆனால் துரதிர்ஷ்டம் துரத்தி வந்தது வனிதாவை. திருமணம் ஆன மூன்று வருடத்திலேயே மூளை காய்ச்சல் ஏற்பட்டு எதிர்பாராதவிதமாக ஏழுமலை இறந்து போனார்.

இதனால் வனிதா மீண்டும் தனது தந்தை வீட்டுக்குத் திரும்பினார். கணவரை இழந்து கைம்பெண்ணாக திரும்பிய வனிதாவுக்கு மீண்டும் படிக்க ஆர்வம் ஏற்பட்டது. பெற்றோரிடம் கூறினார். இதையடுத்து, சேலம் அரசு சேவை இல்லப் பள்ளியில் தங்கி பிளஸ் டூ படித்து வந்தார்.

நடந்து முடிந்த பிளஸ்டூ தேர்வில், டெக்ஸ்டைல்ஸ் அண்ட் பேஷன் டிசைனிங் பாட பிரிவில் 1071 மதிப்பெண் பெற்று மாநிலத்திலேயே முதல் மாணவியாக வெற்றி பெற்று சாதனை படைத்துள்ளார் வனிதா.

ஆசிரியை ஆக வேண்டும் என்பதே வனிதாவின் விருப்பம், லட்சியம், ஆசை. ஆனால் அதற்கு பெரும் முற்றுக் கட்டையாக விஸ்வரூபம் எடுத்து நிற்கிறது வீட்டின் வறுமை. உயர் கல்வி பெற தேவையான பணம் இல்லாததால் படிப்பை தொடர முடியாமல் வனிதா தவித்து வருகிறார்.

வனிதாவுக்கு உதவிக்கரம் நீட்ட விரும்புவோர் தொடர்பு கொள்ளலாம்:

வனிதா
த/பெ. மூர்த்தி
ராஜாஜி வீதி
வீரப்பன் சத்திரம்
ஈரோடு - 638 004.

செல் எண் - 94427 - 27012

Ref : thatstamil.com